• शुक्रबार, बैशाख १०, २०७८

माधब सुबेदी, १०, बैशाख देवचुली

देवचुली नगरपालिकाको आयोजनामा बैशाख १० गते शुक्रबार देखि राष्ट्रिय परिचयपत्र तथा पञ्जीकरण विभागको समन्वय तथा सेवा इकाई दर्ता शिविर सञ्चालनमा आएको छ । उक्त दर्ता शिविरमा व्यत्तिmगत घटना जन्म, मृत्यु, विवाह, बसाइसराई र सम्बन्ध विच्छेद जस्ता घटनाहरु दर्ता गरिने भएको देवचुली नगरपालिकाकी उपप्रमुख पार्वता तिवारीले बताउनुभयो । उहाँले गुनासो दर्ता र सामाजिक सुरक्षा भत्ताको निवेदन दिने व्यवस्था गरिएको बताउनुभयो । पहिलो दिन देवचुली नगरपालिकाको वडा नं १६ र १७ स्थानमा ६ स्टेशनहरु संचालन भएको थियो भने सोहि दिन जन्मदर्ता, विवाहदर्ता, बसाईसराई गरि ७ वटा घटना र सामाजिक सुरक्षा भत्ताका लागि २ वटा र गुनासोको १ वटा निवेदन दर्ता भएको छ ।शिविर बैशाख १० गतेबाट १३ गते सम्म रजहरमा , १४ गते बाट १९ गतेसम्म, दिव्यपुरी, २० गतेबाट २८ गतेसम्म प्रगतिनगरमा संचालन हुने भएको छ ।