देवचुली, माधब सुबेदी
देवचुली वडा नं १६ रजहरमा अवस्थित धुसेरी सामुदायिक वन उपभोक्ता समुहको सामुदायिक वन प्रवेशद्वारको शिलन्यास गरिएको छ ।
देवचुली नगरपालिका वडा नं १६ का वडाध्यक्ष केशर बहादुर क्षेत्रीले सो प्रबेशद्वारको शिलन्यान गर्नुभएको थियो ।
शिलन्यान कार्यक्रममा बोल्दै वडाध्यक्ष क्षेत्रीले सामुदायिक वन र वडालाई चिनाउने खालको साथै अन्य प्रवेशद्वार भन्दा फरक सामुदायिक वन प्रबेशद्वार हुने विश्वास व्यक्त गरेको बताउनुभयो ।
उहाँले प्रवेशद्वार निर्माणको लागि वडाका प्राविधिकद्वारा छलफल गरि निर्माण गर्न लागिएको बताउदैं यसलाई पर्यटककीय क्षेत्रको रुपमा समेत लैजाने गरि निर्माण हुनेछ भन्दै शुभकामना समेत व्यक्त गर्नुभएको थियो ।
यसैगरि समाजसेवी, ललित बहादुर बोहोराले धुसेरी सामुदायिक वन प्रवेशद्वार जिल्लाकै एक नमुना द्वार बन्न सक्ने बताउदै निर्माण कार्यमा सामुदामयिक वनका कर्मचारी र स्थानिय बासीको हातेमालो जरुरी रहेको बताउनुभयो ।
उहाँले जुद्द प्रसाद वाग्ले हुदाँको कार्यकालमा देखेको सपना आज लोक बहादुर कार्कीको कार्यकालमा निर्माण हुन लागेकोमा खुसी व्यक्त गर्नुभयो । त्यस्तै धुसेरी सामुदायिक वन उपभोक्ता समुहका अध्यक्ष लोक बहादुर कार्की क्षेत्रीले प्रवेशद्वार निर्माणको लागि सामुदायिक वनको करिब १५ लाखको बजेट रहेको बताउनुभयो । उहाँले २०७८ असार मसान्त सम्म निर्माणकार्य सम्पन्न गर्ने लक्ष्य रहेको बताउनुभयो । कार्यक्रममा जनजागृत आमा समुह, जनकल्याण सामाजिक विकास केन्द्र फिर्के, रजहर बजार व्यवस्थापन, टोल सुधार समितिका पदाधिकारीहरु लगाएतको उपस्थिती रहेको थियो ।
