• शनिबार, बैशाख ११, २०७८

बैशाख ११, मकवानपुर

वाग्मती प्रदेशको राजधानी हेटौँडामा आईतबार देखि निजी तथा सार्वजनिक सम्वपूर्ण गाडीमा जोर बिजोर प्रणाली लागू गरिँदै छ ।

कोरोना संक्रमणको दरलाई न्यूनिकरण गर्नकोलागि हेटौँडा उपमहानगरपालिका भित्र चल्ने सबै सवारीसाधनमा जोर बिजोर प्रणाली आईतबार लागू गर्न लागिएको मकवानपुरका प्रमुख जिल्ला अधिकारी(सिडिओ) भरतमणि पाण्डेले बताउनुभयो ।

साथै उहाँले सार्वजनिकस्थलमा मास्क नलगाउनेलाई संक्रामक रोग ऐन, २०२० बमोजिम कारबाही गरिने भन्दै जनस्वास्थ्यका मापदण्ड कडाईकासाथ पालना गर्न सबैमा आग्रह पनि गर्नुभयो । यस्तै, भोलिनै देखि महानगरपालिकासँगै सम्पूर्ण जिल्लाभर २५ जना भन्दा धेरै भेला हुनमा रोक लगाउँदै पर्यटकीय क्षेत्र, उद्यान तथा वनभोजस्थल, हाटबजार, फिल्महल जस्ता स्थानहरु समेत बन्द गरिने सिडिओ पाण्डेले जानकारी दिनुभयो ।

साथै प्रशानले लागु गरेको नियम पालना भए नभएको बारे अनुगमनकालागि आफ्नै समजकत्वमा ७ सदस्यिय अनुगमन समिति पनि बनाएको सिडिओ पाण्डेले बताउनुभयो ।