• बिहिबार, साउन २६, २०७९

देवचुली, माधब सुवेदी

रजहरमा एक दिने खेलकुद महोत्सव हुने भएको छ।साउन २८ गते शनिबार कालिका वाल क्लब देवचुली १६ रजहरको आयोजनामा सो कार्यक्रम हुने भयको हो ।

देवचुली १६ मा रहेका १३ वटा बाल क्लबहरूको सहभागितामा १५ बर्ष मुनिका बालबालिका र बालक्लबहरुको बिचमा विभिन्न खेलहरू हुने भएको हो।

कालिका वाल क्लबका सचिव शिशिर आचार्यले एक दिने खेलकुद महोत्सवको आयोजना गरिएको र महोत्सवमा स्किपिङ , चम्चा दौड , १ सय मिटर दौड , तातो आलु , इट्टा दौड , फुटबल ( पेनाल्टी ) र म्युजिकल चियर लगायतका खेलहरू हुने बताउनुभयो ।

आयोजकका अनुसार खेलमा बिजयी हुने खेलाडीहरूलाई मेडल र प्रमाणपत्र वितरण गरिने छ। महोत्सव रजहरमा रहेको शिवालय मन्दिर पछाडिको खुला चउरमा हुने भयको छ ।