इलाम । इलाममा खेलाडीले प्रशिक्षण गर्ने ब्यवस्थित कबर्ड हल नहुँदा समस्या भएको छ ।
जिल्लामा कोठा बाहिर मैदानमा खेलिने खेल र कोठाभित्र खेलिने खेलका लागि ब्यवस्थित संरचना नहुँदा समस्या भएको हो । कर्बड हल अभावकै कारण मार्सल आर्ट सम्बन्धिका ४ खेलहरु (तेक्वान्दो, कराँते, उसु र बक्सिङ) जिल्ला खेलकुद विकास समिति कार्यालयको सानो हलभित्र एकैचोटि खेल्नुपर्ने बाध्यता खेलाडी र खेलाउनुपर्ने बाध्यता प्रशिक्षकलाई छ।
जिल्ला सदरमुकामसहित जिल्लाका १० वटै पालिकामा केही न केही प्रयोजनका लागि करोडौं लगानीका भवनहरु बनेका छन् । तर स्थानीय सरकारले ५ वर्षमा खेलाडीलाई चाहिने आवश्यक पूर्वाधारमा खर्च नगरेको पाइएको छ । खेलाडी र प्रशिक्षकले तीन दशकदेखि सुविधा सम्पन्न कवर्ड हलको माग गरेपनि अहिलेसम्म माग पूरा भएको छैन् ।
क्रिकेट र फुटबल खेलको लागि मैदान अभाव भएकाे छ । भलिबल र बास्केटबल लागि कोर्ट अभाव भएकाे छ । जिल्लाकै एक मात्र ठूलो खेल मैदान समेत जीर्ण बनेको छ । विगतका राष्ट्रिय प्रतियोगितामा विभिन्न खेलका खेलाडीले पदक जितेका छन्।
तर उचित प्रशिक्षणका लागि आवश्यक पूर्वाधार अभावकै कारण पदक जितेका धेरै खेलाडीहरु खेल क्षेत्रबाट पलायन भइसकेका छन् ।
