• आइतवार, बैशाख २६, २०७८

कुमार सुनुवार,वैशाख,२६।। स्याङ्जा अर्जुन चौपारी गाउँपालिकाले गाउँ पालिका भित्र रहेका गाउँपालिका वासी कोविढ १९ को संक्रमणको शंका लागेका व्यक्तिहरुको पिसिआर परिक्षणको शुरुवात गर्ने भएको छ । यहि वैशाख २७ गतेदेखि २९ गते सम्म गाउँपालिका भित्रका सबै वडा र सबै स्वास्थ्य चौकिमा स्वाव संकलन गरि पिसिआर परिक्षण तथा रोग प्रतिरोधात्मक औषधी वितरण गरिने जनाइएको छ ।

जस अनुसार बैशाख २७ गते अस्थाइ कोभीढ अस्पताल अर्जुन चौपारी बजार पुलको मुख क्याम्पस अगाडि स्वाव संकलन गरिने छ भने बैशाख २८ गते रापाकोट उपस्वास्थ्य चौकी र आरुचौर स्वास्थ्य चौकीमा स्वाव संकलन हुनेछ ।

त्यस्तै बैशाख २९ गते दरौ स्वास्थ्य चौकीमा स्वाव संकलन गरि पिसिआर परिक्षण,  रोग प्रतिरोधात्मक औषधी वितरण गरिने अर्जुनचौपारी गाउपालीकाका प्रमुख प्रशासकीय अधिकृत कमल प्रसाद गौतमले जानकारी दिनुभयो । कोविढ १९ को संक्रमणको लक्षण देखीयमा सुरक्षित भै सरकारले तोकेका स्वास्थ्यका सम्पुर्ण मापदण्ड पूरा गरि आफ्नो पाएक पर्ने स्वास्थ्य चौकीमा उपस्थित भइ स्वाव संकलनमा सरिक हुन गाउँपालिकाले सम्पुर्णमा अनुरोध गरेको छ ।