अस्पतालबाट डिस्चार्ज भए माओवादी नेता पुन, कलेजो प्रत्यारोपण गर्न चिकित्सकको सुझाव

काठमाडौं : नेकपा माओवादी केन्द्रका उपमहासचिव वर्षमान पुन अस्पतालबाट डिस्चार्ज भएका छन्।

वंशाणुगत जन्डिस (कमलपित्त) को समस्याले ग्रसित नेता पुनको पुस ३० गते स्वास्थ्यमा फेरि समस्या देखिएपछि ललितपुरस्थित सुमेरु अस्पतालमा उपचार भइरहेको  थियो। हाल स्वास्थ्यमा सुधार आएपछि नियमित फलोअपमा बस्ने गरी अस्पतालबाट डिस्चार्ज गरिएको उनको उपचारमा संलग्न चिकित्सक वरिष्ठ पेटरोग विशेषज्ञ प्रा.डा.युवराज शर्माले जानकारी दिए। ‘हाल उहाँको अवस्था स्थिर तर खतरामुक्त छ, हामीले नियमित फलोअपमा बस्ने गरी डिस्चार्ज गरेका छौँ’‚ डा. शर्माले भने।

डा. शर्माका अनुसार पुनलाई कलेजो प्रत्यारोपण गर्न सुझाव  दिएको र त्यसअघि उनलाई खानपानमा विशेष ध्यान दिन समेत सुझाव दिएको छ। ‘अब उहाँको अन्तिम विकल्प भनेको प्रत्यारोपण नै हो, त्यसभन्दा अघि उहाँले खानपान र हिँडडुलमा विशेष सावधानी अवनाउनु पर्छ’‚ डा. शर्माले भने। 

डा. शर्माले कलेजो प्रत्यारोपण कहाँ र कसरी गर्ने भन्ने सम्बन्धमा बिरामीसँग छलफल गर्ने समेत बताए। चीनमा उपचार गर्नुपूर्व गत वर्ष पनि रोगले च्यापेपछि उनको उपचार थाइल्यान्डमा गरिएको थियो।

कार्यक्रममा सहभागी हुन गृहजिल्ला रोल्पा पुगेका पुनको स्वास्थ्यमा समस्या आएपछि हेलिकप्टरबाट काठमाडौं ल्याइएको थियो। 

  • सम्बन्धित समाचारहरूः

    • २०८१ माघ २०, आईतवार २२:५३
    • 91 views
    अर्जुनचौपारीमा एच.पि.भी खोप सम्बन्धी अभिमुखीकरण कार्यक्रम सम्पन्न ।

    २० माघ, दिपक विश्वकर्मा: अर्जुनचौपारी गाउँपालिका स्वास्थ्य शाखाको आयोजनामा एच.पि.भी.खोप अभियान २०८१ अन्तर्गत पालिका खोप समन्वय समितिका पदाधिकारीहरुलाई १ दिने अभिमुखिकरण कार्यक्रम माघ २० गते आइतबारका दिन सम्पन्न भएको छ…

    विस्तृत.....

    • २०८१ माघ १३, आईतवार १४:५१
    • 33 views
    विद्युत् महसुल नतिर्ने चितवनका १३ सयभन्दा बढी ग्राहककाे लाइन काटियाे ।

    माघ १३,चितवन । नेपाल विद्युत् प्राधिकरण भरतपुर वितरण केन्द्रले एक हजार ३६८ ग्राहकको लाइन काटेको छ। समयमा विद्युत् महसुल नबुझाएका उनीहरूको लाइन गत साउनयता काटिएको हो। कार्यालयका प्रमुख ई. रामु…

    विस्तृत.....

    Leave a Reply

    Your email address will not be published. Required fields are marked *