देवचुली । पूर्वी नवलपरासीको देवचुली नगरपालिका ९ मिलन टोलमा विहीबार साँझ फेला परेको रतुवा मृग स्थानीयले नियन्त्रणमा लिएर डिभिजन वन कार्यालय नवलपुरलाई जिम्मा लगाएको छ ।
देवचुली नगरपालिका ९ का वडा अध्यक्ष मेखबहादुर सारुका अनुसार स्थानीयले नियन्त्रणमा लिएर वन कार्यालयका कर्मचारीहरुलाई खबर गरी जिम्मा लगाएको हो ।
डिभिजन वन कार्यालय नवलपुरका डिभिजनल वन अधिकृत मोहन काफ्लेका अनुसार पोथी रतुवा मृग विहीबार साँझ नै डिभिजन वन कार्यालय कावासोती ल्याइएको छ ।
उक्त मृगको स्वास्थ्य अवस्था चेक जाँच गरी शुक्रबार मृगको वासस्थान भएको जंगलमा लगेर छाडिने काफ्लेले जानकारी दिए ।
