• सोमवार, कार्तिक २७, २०८०

काठमाडौं । सोमबारदेखि कोरला नाका दुवैतर्फ सञ्चालनमा आउने भएको छ ।

आज नेपाल तथा चीन दुवै देशका अधिकारीहरुले औपचारिक रुपमा नाकाको उद्घाटन गर्ने जनाइएको छ ।

नाका सञ्चालन गर्न नेपालतर्फ कुनै भौतिक संरचना नभएका कारण चीन सरकारले अस्थायी भवन निर्माणका लागि कन्टेनर उपलब्ध गराएको छ ।

नाकामा आवतजावतका लागि एक महिनाअघि प्रवेश अनुमतिपत्र वितरण गरिएको थियो । अनुमतिपत्रका आधारमा माथिल्लो मुस्ताङका नागरिक कोरला नाकामा आवतजावत गर्न पाउने प्रमुख जिल्ला अधिकारी जनकराज पन्तले जानकारी दिनुभयो ।

उनीहरुले अनुमतिपत्रका आधारमा कोरला नाकादेखि ३० किलोमिटर चीनको क्षेत्रसम्म पुगेर जुनसुकै बेला व्यावसायिक कारोबार गर्न पाउने बताइएको छ । कोरोना महामारीका कारण बन्द भएको यो नाका चार वर्षपछि सञ्चालनमा आउन लागेको हो ।