नवलपुर । नवलपुरको हुप्सेकोट –४ चुहाडे स्थित भित्रि सड्क खण्डमा शनिबार ट्याक्टर सडकदेखि तल खस्दा चार जना घाईते भएका छन् ।

जिल्ला प्रहरी कार्यालय नवलपुरका अनुसार शनिबार साढे तीन बजेतिरको समयमा हुप्सेकोट –४ चुहाडेबाट पराल लोड गर्नको लागि खेतमा जाने क्रममा ना ४ त ३४३० नं.को ट्याक्टर चालकले नियन्त्रण गुमाउन गई सडक देखी १५ मिटर तल झाडीमा खस्न जादा ४ जना घाइते भएका हुन् ।

घाइते हुनेमा ट्याक्टर चालक कावासोती – .१६ डण्डा बस्ने वर्ष–४३ को हरि प्रसाद राना , हुप्सेकोट – ४ शंखदेव बस्ने वर्ष– २४ को निरज भण्डारी सोही ठाउँ वस्ने वर्ष– २४ को सन्दिप पाठक र वर्ष– २१ को सुदिप सापकोट रहेका छन् । घाईते सबैको अवस्था सामान्य रेहेको प्रहरीले जनाएको छ ।

घाईतेहरुको मध्यविन्दु जिल्ला अूपतालमा उपचार भइरहेको छ ।
यस्तै कावासोती –१५ गोडार मन्दिरचोक स्थित भित्रि सडक खण्डमा गोडारबाट ब्रह्रमस्थान तर्फ जाँदै गरेको प्रदेश नं. २– ०३–००१ प १८२३ नं. को मोटरसाईकलले ठक्कर दिदा वर्ष–६ की जेनिसा रिमाल घाईते भएकी छिन् ।

बाटोमा खेलिरेहेको अवस्थामा उनलाई ठक्कर दिएको प्रहरीले जनाएको छ । उनको मध्यबिन्दु जिल्ला अस्पतालमा उपचार भइरहेको छ । चालक र सवारी साधन प्रहरी नियन्त्रणमा लिई अनुसन्धान भइरहेको प्रहरीले जनाएको छ ।