ज्ञानु पंगेनी , पुष ११ : कावासोती पाँच र दुईको सिमाना सिमलघारी र दश घरे क्षेत्रमा गैँडाले आतङक मच्चाएको स्थानीयले गुनासो गरेका छन् ।
गैँडाले किसानले लगाएको बालीनाली खाएर नोक्सान पु¥याएको छ भने रातको समय र बिहानको समयमा काम विशेष र मर्निङ वाक हिँड्ने स्थानीयलाई मानवीय क्षति हुने हो कि भन्ने समेत त्रास छाएको छ ।
नजिकै रहेको सामुदायिक वनबाट गैँडा बस्ती छिरेर त्रसित पारेको स्थानीयले गुनासो गरेका छन् ।
केही दिन देखि गैँडाले यस क्षेत्रमा गहुँ बाली, तोरी तथा तरकारी बाली लगायतका बालीमा पसेर बाली खाइदिने , माडेर सोतर पारिदिने गरेको स्थानीय पीताम्बर शर्माले बताउनुभयो । सो क्षेत्रका धेरै किसानले लगाएको बालीनाली गैँडाले क्षति पु¥याएको उहाँले बताउनुभयो । गैँडाको त्रास बढेपछि रात र बिहानको समयमा काम विशेषले आवतजावत गर्न निकै समस्या भएको उहाँले गुनासो गर्नुभयो ।
विगत एक हप्तादेखि गैँडाले यस क्षेत्रमा त्रसित बनाएकोले यो समस्या समाधान गर्न स्थानीय निकाय र सम्बन्धित निकायले पहल गरिदिनका लागि उहाँले अनुरोध समेत गर्नुभएको छ । कुनै अप्रिय घटना हुन नदिनका लागि गैँडा गाउँ नपस्ने वातावरण बनाउन उहाँले आग्रह गर्नुभएको छ ।
