
एन.सन्चार, कावासोती, माघ १, ०८१ : कावासोती नगरपालिका वडा नंम्वर १२ मा रहेको एकादसी मेला लाग्ने चौरमा प्रथम पिठौली मकर सक्रान्ती धार्मिक कार्यक्रम एवं मिनि मेला लागेको छ ।
धर्म, कला र सस्कृति पिठौलीको पहिचान भन्ने मुल नारासहित पिठौली चौर यूवा समिति र प्रगतिशिल युवा क्लवको सयुक्त आयोजना तथा पिठौली आसपासका विभिन्न संघ सस्था, मठ मन्दिर तथा सामुदायिक वन समुहको समन्वयमा सो मेला आयोजना गरिएको हो ।
नारायणी नदि तटमा स्नान गर्न आउने धर्मावलम्वीहरुलाइ लक्षित गरि सो मेला आयोजना गरिएको पिठौली चौर युवा समितिका अध्यक्ष सागर गुरुङ्गले जानकारी दिनुभयो ।
चौर समिति र प्रगतिशिल यूवा क्लवको संयोजन तथा नेपाल रेडक्रस सोसाइटी कावासोती शाखाको समन्वयमा स्नान गर्न आउने धर्मावलम्वीहरुका लागी निशुल्क रगतको समुह परिक्षण तथा प्राथमिक उपचार शिविर समेत मेलामा राखिएको अध्यक्ष गुरुङ्ग वताउनुभयो ।
कावासोती नगरपालिका वडा नं ११, १२ र १३ को समन्वय तथा पिठौली चौर युवा समितीको आयोजनामा सो माघी मेला सन्चालन गरिएको हो । नारायणी नदिमा स्नान गर्न आउने धर्मावलम्वीहरुका लागी समितीले कावासोतीको फलफुल चोक र लोकाहा पुल बाट नारायणी धाम सम्मका लागि निशूल्क सवारी साधनको समेत व्यवस्था गरेको छ ।
धर्मावलम्वीहरुका लागी विविध मनोरञ्जनात्मक भजन कृतन, ठेलो फाल्ने प्रतियोगिता, निशुल्क जलपान, स्नान स्थलमा अप्रिय घटना घट्न नदिन सुरक्षा ज्याकेट लगायका स्वयमसेवक परिचालन, व्यवस्थित र निशुल्क सवारी पार्किङ्ग, सरसफाइ युक्त सौचालय समेतको व्यवस्था समितिले गरेको अध्यक्ष गुरुङ्गले जानकारी दिनुभयो ।
भिडियाे हेर्न यहाँ क्लिक गर्नुहाेस ।