• आइतवार, जेष्ठ १६, २०७८

देवचुली, माधब सुबेदी
देवचुली वडा नं १६ रजहरमा ‘लकडाउन’ नामक छोटो चलचित्र अर्थात सटमुभी छायाँकन हुने भएको छ । विभिन्न यूवटुव, टेलिभिजन, रेडियोबाट अचानक हराएका बतासे बाजे आजभोली फेरी देखिन थालेका छन् । देवचुली वडा नं ४ का निर्देशक राज पौडेल अर्थात बतासे बाजे एवम निर्माता देवचुली १६ रजहरका माधब सुबेदीको सहकार्यमा सो छोटो चलचित्र अर्थात सटमुभी छायाँकन हुन लागेको हो । छायाँकन देवचुलीको धुसेरी, रजहरको प्लोटिङमा हुने भएको छ । लकडाउन नामक सट मुभीमा राज पौडेल, माधब सुबेदी, भुवन पुन मगर, सुष्मा पौडेल, समोयल मगर, रिचा लामिछाने लगाएतको अभिनय रहने भएको हो । छोटो चलचित्रका निर्देशक पौडेलले विश्वभरी फैलिएको कोरोना भाइरस अर्थात कोभिड १९ कोसंक्रमको कारण धेरैको ज्यान समेत गएको र यसको असर नेपालमा पनि परेकोले यसबाट बच्न र बचाउनको लागि एक अभिनयद्वारा सबैसामु पुर्र्याउनको लागि छोटो चलचित्रको आयोजना गरिएको बताउनुभयो । यसैगरी निर्माता सुबेदीले नेपालमा मात्र नभई सबै ठाउमा प्रतक्ष्य असर पारेको कोरोना भाइरसलाई समुदाय, देश हुदै समग्र राष्टमा एक सन्देश पुर्र्याउने उदेश्यले छायाँकन गर्न लागिएको बताउनुभयो । लकडाउन नामक छोटो चलचित्र अर्थात सटमुभीको छायाँकन चलिरहेको छ ।