शारदा झेडी मगर ,फाल्गुण २०||
कावासोती नगरपालिका वार्ड नं ८ निवासी तोरण कुमारी रानामगरको असामाहिक निधन भएको विहिवार ९ औ दिनको पुण्य तिथीमा भारतीय भुपु सैनिक परिवार बचत तथा ऋण सहकारी संस्था र भुपु कल्याणकारी संस्थाद्धारा शोकसभा सम्पन्न गरेको छ । भारतीय भुपु सैनिक परिवार बचत तथा ऋण सहकारी संस्थाका अध्यक्ष रामबहादुर रानामगरकी धर्मपत्नी तोरण कुमारी सिंजाली रानाको गत फाल्गुण १२ गते ४९ वर्षको अल्पायुमै निधन भएको थियो । भुपु सैनिक परिवार बचत तथा ऋण सहकारी संस्थाकी उपाध्यक्ष जनकाशी गुरुङ्गको अध्यक्षतामा सम्पन्न भएको कार्यक्रममा संस्थाका सल्लाहकार एवं भुपु कल्याणकारी संस्थाका संरक्षक कर्णेल धनबहादुर मास्की राना प्रमुख अतिथी रहनुभएको थियो । प्रमुख अतिथी रानाले उहाको निधनले परिवार र समाजलाई अपुरणिय क्षती भएको भन्दै शोकाकुल परिवारजनलाई भगवानले धैर्यधारण गर्ने शक्ती प्रदान गरुन् भन्दै बैकुण्ठ बासका लागि कामना सहित श्रद्धान्जली अर्पण गर्नुभएको थियो । कार्यक्रममा लालचन्द श्रेष्ठ, रुद्र बहादुर गुरुङ , छबिलाल राना, प्रेमबहादुर राना, कुल बहादुर गुरुङ. , सुकबहादुर पुन, केशरी राना, पार्वती गुुरुड. लगायत सम्पुर्ण भुतपुर्व सैनिक एवं सैनिक परिवारहरुको सहभागिता रहेको थियो । यसैगरि विहिवार नै स्वर्गिय तोरण कुमारी रानाको निधन भएको ९ औ दिनको पुण्य तिथीमा नेपाल मगर संघ जिल्ला समन्वय समिती नवलपुर र नेपाल मगर संघ कावासोती नगर कमीटीको संयुक्त आयोजनामा शोकसभा सम्पन्न भएको हो ।