देवचुली नगरपालिकामा कोभिड पुष्टि भएको १४ दिन पछि एक बृद्धाको मृत्यु

देवचुली नगरपालिकामा कोभिड पुष्टि भएको १४ दिन पछि एक बृद्धाको मृत्यु भएको छ । स्थायी ठेगाना कावासोती नगरपालिका वडा नं ८ भई हाल देवचुली नगरपालिका वडा नं ५ स्थित छोराको घरमा बस्दै आएका ८६ बर्षीय एक बृद्धाको मृत्यु भएको छ । बिहिबार बिहान करिब ७ बजे बृद्धाको छोराको घरमा नै मृत्यु भएको हो । बृद्धाको गत जेठ ६ गते मध्यविन्दु जिल्ला अस्पतालमा पिसिआर परिक्षण गर्दा रिपोर्ट पोजेटिभ आएको कावासोती स्वास्थ्य कार्यालयले जनाएको छ । जेठ ६ गते बृद्धाको स्वास्थ्यमा समस्या देखिएपछि थप उपचारका लागि भरतपुर अस्पताल लगिएको थियो । उपचाररत बृद्धाको स्वास्थ्यमा कुनै सुधार नआएपछि अस्पतालले घर फिर्ता गरिदिएको थियो । बृद्धाको घरपरिवारको सदस्यको पिसिआर परिक्षण गर्दा नेगेटिभ आएको देवचुली स्वास्थ्य कार्यालयले जनाएको छ ।