• बिहिबार, फाल्गुन २०, २०७७

कावासोती । पुर्वी नवलपरासीमा विगत ५ वर्ष देखि आफ्नै छोरीलाई बलात्कार गर्ने बाबुलाई प्रहरीले पक्राउ गरेको छ ।

विनयी त्रिवेणी गाउँ पालिका वडा नं ४ सर्दी घर भएका ३८ वर्षीय बाबुलाई आफ्नै १३ वर्षीया छोरीलाइ वारम्वार बलात्कार गरेको आरोपममा पक्राउ गरिएको जिल्ला प्रहरी कार्यालय पुर्वी नवलपरासीका डिएसपी दिलिप कुमार गिरीले बताउनुभयो ।

डिएसपी गिरीका अनुसार अनुसार विगत ५ वर्ष देखि छोरीलाई पटक पटक बलात्कार गरेको आरोप लागेका बाबु गत मंसिर महिनामा छोरीलाई बलात्कार गरेर भारत पुगेका थिए । आरोपित बाबु बिहीवार बिहान घर आइपुगेपछी घरमा झगडा हुन थालेपछि स्थानियहरु पुग्दा सो घटनाको विषय खुलेको र स्थानीयले सूचना दिए लगतै प्रहरीले पक्राउ गरेको गिरीले बताउनुभयो ।

पिडित बालिकालाई स्वास्थ्य परिक्षणका लागि अस्पताल लैजाने तयारी गरिएको बताइएको छ ।