गैँडाकोट, जेठ २६ । गैँडाकोट नगरपालिका वडानम्वर ८ मा रहेको विद्युतको पोलमा आगलागी भएको छ । विजय विकास स्रोत केन्द्रको गेट पारी रहेको पोलमा एक्कासी आगलागी भएको थियो । विहान साँढे ५ बजे लागेको आगलागीका कारण केवल लगायतका मसिना तार सवै जलेको छ । आगलागीबाट घर र मानवलाई कुनै क्षती नभएको र भरतपुरबाट आएको दमकलले आगो नियन्त्रणमा लिएको थियो । नेपाल विद्युत प्राधिकरण गैँडाकोट प्रशाखा प्रमुख सुजन रिजालले विद्युतको पोलमा राखिएका केवल, नेट लगायतका तारले जोखिम बढाको र आगलागी हुनुको कारण पनि सोही तार तथा वक्सहरु भएको हुन सक्ने बताउनुभयो ।
नगरपालिकाका टोल विकास संस्थाहरुले आवश्यक तार तथा वक्स मात्र विद्युतको पोलमा राख्न अन्यथा हटाउनका लागि पहल थाल्नुपर्नेमा जोड दिनुभएको छ । नत्र अन्य ठाउँमा पनि आगलागी हुन सक्ने जोखिम रहेको जानकारी दिनुभयो । आवश्यक भन्दा अनावश्यक तार र वक्स पोलहरुमा झुण्डिरहेको बताउँदै आफूहरुले धेरै हटाइसकेको बताउनुभयो । यसमा टोल विकास संस्था पनि सक्रिय भए आगलागीका घटना कमै हुने उहाँको सुझाव छ