पूर्व प्रधानमन्त्री खनाल अस्पताल भर्ना

  • सोमवार, जेष्ठ ३१, २०७८

पूर्व प्रधानमन्त्री एवम् नेकपा एमाले नेता झलनाथ खनाल अस्पताल भर्ना भएका छन् । ज्वरो र रगतमा हेमोग्लेविनको मात्रा कम भएपछि उनलाई सोमबार बिहान नर्भिक अस्पतालको आकस्मिक कक्षमा भर्ना गरिएको छ । अस्पताल स्रोतका अनुसार उनको अवस्था अहिले सामान्य छ । ४÷५ दिनदेखि आएको ज्वरो नघटेपछि खनाललाई अस्पताल लगिएको हो । उनको स्वास्थ्यमा के समस्या आएको हो भन्ने बुझ्न परीक्षण चलिरहेको अस्पताल स्रोतले जनाएको छ । यसअघि कोरोना संक्रमण पुष्टि भएका खनाल लामो समय नर्भिक अस्पतालमा नै उपचार गरेर घर फर्किएका थिए ।