एक घरमा आगलागी

  • बुधबार, असार २, २०७८

कास्की माछापुच्छ्रे गाउँपालिका -१ धिप्राङको एक घरमा आगलागी भएको छ । मंगलबार राति स्थानीय केशरी गुरुङको दुई तले घरमा अचानक आगलागी हुँदा ढुङ्गा माटोले बनेको घरमा क्षति पुगेको गण्डकी प्रदेश प्रहरी कार्यालय पोखराका डिएसपी श्यामु अर्यालले जानकारी दिनुभयो । आगलागीबाट करिब १५ लाख बराबरको भौतिक क्षति भएको डिएसपी अर्यालले जानकारी दिनुभयो । स्थानीयको सहयोगमा आगो पूर्ण रुपमा नियन्त्रणमा लिइएको र आगलागीको कारणबारे अनुसन्धान भइरहेको प्रहरीले जनाएको छ ।