• मङ्लबार, भदौ १५, २०७८

राष्ट्रिय सभाका उपाध्यक्ष शशिकला दाहालले अपांगमैत्री कानुन प्रभावकारी रुपमा कार्यान्वयन हुनुपर्नेमा जोड दिएकी छन् । राष्ट्रिय अपाङ्ग महासंघको २८ औं स्थापना दिवसको अवसरमा मंगलबार काठमाडौंमा आयोजित कार्यक्रममा बोल्दै उपाध्यक्ष दाहालले अपांग‍ता भएका व्यक्तिहरूको अधिकारका लागि बनेका कानुन प्रभावकारी रुपमा कार्यान्वयन हुनुपर्नेमा जोड दिएकी हुन् ।

उनले अन्धविश्वासको समयदेखि आजसम्म अपांगता अधिकारका लागि निरन्तर खटिएका अधिकारकर्मीहरूलाई धन्यवाद र सफलताका लागि बधाई दिइन् । विभिन्न समयमा बनेका थुप्रै राम्रा कानुनहरू बनेको भन्दै उनले प्रभावकारी रुपमा कार्यान्वयन हुन सके अपांगता भएका व्यक्तिहरूका धेरै समस्या समाधान हुने बताइन् ।

उनले अपांगमैत्री कानुन निर्माण र कार्यान्वयनका लागि आफूले सधैं पहल गर्ने प्रतिब‍द्धता समेत व्यक्त गरिन् ।