संसदमा एमालेको अवरोधपछि सभामुखले बोलाए सर्वदलीय बैठक

  • आइतवार, भदौ २७, २०७८

काठमाडौं, भदौ २७ । सभामुख अग्निप्रसाद सापकोटाले सर्वदलीय बैठक बोलाउनुभएको छ ।

सभामुख अग्निप्रसाद सापकोटाले भदौ २८ गते सोमबार साढे २ बजेका लागि सर्वदलीय बैठक आव्हान गर्नु भएको छ ।

संघीय संसदमा प्रतिनिधित्व गर्ने राजनीतिक दलका अध्यक्ष र प्रमुखहररुसँग समसामयिक विषयमा छलफल गर्न सर्वदलीय बैठक सभामुखले आह्‍वान गर्नुभएको हो ।

एमाले सांसदले निरन्तर संसद बैठक अवरोध गर्दै आएका छन् । एमालेले २३ गतेबाट निरन्तर संसद अवरोध गर्दै आइरहेको छ । एमालेको अवरोधमा सहमति र संवादबाट विवाद समाधान गर्न सभामुखले आग्रह गर्नुभएको छ ।

एमालेको अवरोधपछि मंगलबार दिउँसो १ बजे बस्ने गरी बैठक स्थगित भएको छ । सोही विषयमा छलफलको लागि सभामुखले सर्वदलीय बैठक बोलाउनुभएको हो ।