नवलपुरका थप ५ जनामा कोरोना संक्रमण

असोज ७, कावासोती।।नवलपुरका थप ५ जनामा कोरोना भाईरसको संक्रमण पुष्टी भएको छ । जिल्ला स्वास्थ्य कार्यालय नवलपुरका अनुसार पछिल्लो २४ घण्टामा २९ जनामा गरिएको परिक्षणमा थप ५ जनाको रिपोर्ट कोरोना पोजेटिभ आएको हो ।

आज थप भएका संक्रमित मध्य सबैभन्दा धेरै कावासोतीका ३ जना सहित गैँडाकोट र मध्यविन्दु नगरपालिकाका एकएक जना रहेका छन् ।
त्यस्तै जिल्लाबाट थप १६ जना कोरोना संक्रमण मुक्त भएसँगै सक्रिय संक्रमितको संख्या ७४ पुगेको छ । नवलपुरमा कोरोना संक्रमणबाट अहिले सम्म १ सय ७१ जनाले ज्यान गुमाएका छन् ।