• शुक्रबार, अशोज १५, २०७८

नवलपुरको देवचुली नगरपालिका वडा नं ४ झाँक्रेका एक बालक विगत १९ दिन देखी बेपत्ता भएका छन् । १९ दिन हुदाँसम्म पनि केहि अत्तोपत्तो नभएको सोहि बालकका पिता श्याम बहादुर नेपालीले एनसंचार संग बताउनुभयो । श्याम बहादुर नेपालीका छोरा ११ बर्षीय रेम बहादुर नेपाली (सोमई) गत भाद्र २९ गते मंगलबार देखि सम्पर्क विहिन भएका हुन् ।

बिहान भाईसंग १० बजे स्कुल जान्छु भनेर साईकल लिएर एकैछिनमा आउछु है भन्दै घरबाट निस्किएको छोरो आज १९ दिन हुदासम्म सम्पर्क विहिन रहेको बाबुले बताउनुभयो । सोमईका बुबा र आमा किसानी गर्ने भएकाले विहिन देखि बेलुकासम्म नै खेतबारीमा काम रहने बताए । गाउँतिर आफन्त सबैकोमा खोजीयो तर कतै कुनै पत्ता नलागेपछि ईलाका प्रहरी कार्यालय रजहरमा जानकारी गराएको सोमईका बुबाले बताउनुभयो ।

प्रहरी पनि खोजीकार्यमा लागिरहेको छ । बेपत्ता भएका बालकले माथि कोठे शर्ट, तल ट्रयाक र कालो तुना चप्पल लगाएको छन् । भेटाउनु हुने माहानुभावहरुले ९८११९२४९८५ मा सम्पर्क गरिदिनुहोला ।