• सोमवार, कार्तिक ८, २०७८

कात्तिक ८, पाँचथर ।। पाँचथरबाट झापातर्फ जाँदै गरेको गरेको यात्रुवाहक बस दुर्घटना हुँदा मृत्यु हुनेको संख्या ४ पुगेको छ । बसमा सवार ५९ जना मध्ये सम्पूर्ण यात्रु घाइते भएका छन् ।

को १ ख ३८६५ नम्बरको बस फिदिम नगरपालिका वडा ४ शान्तिपुरमा सोमबार बिहान साढे ११ बजे दुर्घटना भएको  हो ।

दुर्घटनामा परि मृत्यु हुनेको संख्या ४ पुगेको फिदिम नगरपालिकाकी उपप्रमुख उर्मिला प्रधानले पुष्टि गरिन । मृत्यु भएकाहरूको सनाखत भने हुन बाँकी रहेको छ ।

उपप्रमुख प्रधानका अनुसार बसले ट्याम्पोलाई ओभरटेक गर्न खोज्दा डिलबाट झरेर तल्लो बाटोमा पुगेको हो । उनले भनिन ‘मृतकको संख्या बढेर ४ पुगेको छ । अझै पनि मृत्यु हुने सम्भावना उच्च छ । हामीले संकलन गरेको तथ्याङ्क अनुसार बसमा ५९ जना सवार थिए । सम्पूर्ण व्यक्तिहरू घाइते हुनुभएको छ । घाइतेहरूको जिल्ला अस्पताल पाँचथर, समर्पित अस्पताल र पाथीभरा अस्पतालमा उपचार भइरहेको छ ।’

उपप्रमुख प्रधानका अनुसार त्यहाँ उपचार हुन नसकेकाहरूलाई झापा तथा मोरङका अस्पतालमा समेत रिफर गरिएको छ ।