एनसञ्चार अनलाइन || Nsanchar Online

Advertisment

SKIP THIS

गण्डकी आवासीय माविको आयोजनामा एकदिवसीय स्वास्थ्य जीवन शैली बारे अभिभावक प्रशिक्षण कार्यक्रम सम्पन्न

कात्तिक २६, कावासोती ।।
कावासोतीमा रहेको गण्डकी आवासीय माविमा विद्यालयलको सामाजिक उत्तरदायित्व अन्तर्गत अभिभावकहरुका लागि एकदिने हाम्रो स्वस्थ जीवनशैली सम्बन्धि प्रशिक्षण आज कार्यक्रम सम्पन्न भएको छ ।

नाट फ्रेश हेल्थ केयर प्रा लि को प्राविधिक सहयोग र गण्डकी आवासीय माध्यमिक विद्यालयको आयोजनामा सो कार्यक्रम विद्यालयको सभाहलमा आयोजना गरीएको थियो । सो कार्यक्रममा बरिष्ठ प्राकृतिक चिकित्सा विज्ञ डा. संग्राम पुरीले स्वस्थ तन, मन र आत्माको संयोजन नै वास्तबिक स्वास्थ्य प्राप्तीको बाटो हो भन्ने विषयमा प्रशिक्षण दिनुभएको थियो ।

प्राकृतिक आहार, विहार र सकारात्मक सोंचको व्यवहार कसरी अवलम्बन गर्न सकिन्छ भन्ने विषयमा कार्यक्रम केन्द्रित रहको थियो । कार्यक्रममा करिब दुई सय बढी अभिभावकहरुको सहभागिता रहेको थियो ।

विद्यालयले हरेक बर्ष यस्ताखालका बहुउपयोगी कार्यक्रमहरु ल्याइरहेको र यो कार्यक्रमपनि त्यस्तै खालको सामाजिक उत्तरदायित्वको भावना बोकेको कार्यक्रमको निरन्तरता भएको कुरा गण्डकी आवासीय मावि का प्रधानाध्यापक जगत प्रसाद भट्टराईले बताउनुभयो ।


© 2021 एनसञ्चार अनलाइन || Nsanchar Online All right reserved Site By : A1soft International Pvt.ltd