मधेसी कोटाबाट उत्रिए उद्योगपति चौधरी महाधिबेशन प्रतिनिधिमा

  • सोमवार, मंसिर ६, २०७८

नवलपुर , मंसिर ६ ।  उद्योगपति एवं सांसद विनोदकुमार चौधरी नेपाली काँग्रेसको महाधिवेशन प्रतिनिधिमा सर्वसम्मत चयन हुनुभएको छ ।

नवलपुर क्षेत्र नं १ बाट चौधरी सर्वसम्मत महाधिवेशन प्रतिनिधिमा चयन हुनुभएको हो ।चौधरी नेपाली काँग्रेसले १४औँ महाधिवेशनका लागि गठित सूचना तथा सञ्चार मन्त्री ज्ञानेन्द्रबहादुर कार्की संयोजक रहेको आर्थिक समितिको सल्लाहकार समेत हुनुहुन्छ ।

नवलपुरमा आज सोमवार दुई वटा सङ्घीय निर्वाचन क्षेत्रमा मनोनयन भएको छ । भोलि मङ्गलवार मतदानबाट  सम्पन्न हुने अधिवेशनले दुई वटा क्षेत्रीय कार्यसमिति र ५० जना महाधिवेशन प्रतिनिधि चयन गर्ने छ ।

५० जना महाधिवेशन प्रतिनिधिका लागि जिल्लामा १०० जनाको उम्मेदवारी परेको छ ।