गैडाकोटबाट लागुऔषध सहित २ जना पक्राउ

  • बिहिबार, मंसिर २३, २०७८

नवलपुर, मंसीर २३ । प्रहरीले गैडाकोटबाट लागुऔषध सहित २ जनालाई नियन्त्रणमा लिएको छ ।

गैडाकोट २ कन्टिनेन्टल स्कुल नजिक भित्री सडक खण्डबाट एक जना भारतीय नागरिक र एक जना स्थानीय युवकलाई नियन्त्रणमा लिएको हो ।

भारतको विहार नौतुनवा निवासी १९ बर्षीय उमेश राजभर र उनीसँगै रहेका नवलपुरको गैडाकोट ५ निवासी २२ बर्षीय अनुज थापा पक्राउ परेको प्रहरीले जनाएको छ ।

प्रहरीले भारतीय नागरिकको साथबाट डाईजापाम ९७ एम्पुल, फेनारागन ९५ एम्पुल र नुफिन ८५ एम्पुल बरामद गरेको जनाएको छ ।