• मङ्लबार, बैशाख ७, २०७८

काठमाडौं । ट्राइ नेसन्स टी–ट्वेन्टी क्रिकेट सिरिज अन्तर्गतको नेदरल्याण्ड्ससँगको दोस्रो खेलमा नेपालले २ सय ७ रनको लक्ष्य दिएको छ ।

टस जितेर ब्याटिङ रोजेको नेपालले निर्धारित २० ओभरमा ६ विकेट गुमाएर २ सय ६ रन बनाएको हो । नेपालका लागि कुशल भुर्तेल र दीपेन्द्रसिंअ ऐरीले अर्धशतकीय पारी खेल्दै क्रमशः ६२ र ६० रन बनाए । भुर्तेलले यहि सिरिजको लगातार तेस्रो खेलमा अर्धशतक बनाएका हुन् ।

 

यस्तै कप्तान ज्ञानेन्द्र मल्ल २० र कुशल मल्ल १८ रनमा आउट हुँदा सोमपाल कामीले नटआउट २० रन बनाए । अन्य खेलाडीले दोहोरो अंकको रन जोड्न सकेनन् ।

बलिङतर्फ नेदरल्याण्ड्सका भिभाइन किङ्मा र पिटर सिलारले समान २–२ विकेट लिँदा बसदे लीड र आर्यन दत्तले १–१ विकेट लिए ।

नेदरल्याण्ड्सले केहीबेरमा जवाफी ब्याटिङ गर्दैछ ।

Source:Imagekhabr