अटाेचालक हत्या अपडेट : मृतकको शव पोष्टमार्टम गरी आफन्तलाई बुझाइयो .

नवलपुर । पूर्वी नवलपरासीको कावासोतीमा शंकास्पद मृत्यु भएको अवस्थामा भेटिएका अटो चालकको शवको पोष्टमार्टम भएको छ ।

पूर्वी नवलपरासीको कावासोती १३ गैरी नयाँ बस्तीका ५२ बर्षीय माधवप्रसाद गिरीको शव हत्या भएको जस्तो देखिने अवस्थामा मंगलबार कावासोती १३ बौनाहाको सिलहट घोलमा पानीको दलदलमा गाडेको अवस्थामा भेटिएको थियो ।

मृतकको शव बुधबार पोष्टमार्टम गरिएको जिल्ला प्रहरी कार्यालय नवलपुरका प्रहरी उपरीक्षक प्रज्वल महर्जनले बताए । महर्जनले भने – शव मोटमार्टम भएर आफन्तको जिम्मा लगाइएको छ । पोष्टमार्टम रिर्पाट आउन बाँकी छ ।

महर्जनका अनुसार पोष्टमार्टममा खटिएका चिकित्सकहरुले रिपोर्टको अध्ययन गरेर प्रहरीलाई बुझाउन बाँकी रहेको छ ।

यसैबीच प्रहरीले नवलपरासीको कावासोतीमा शंकास्पद अवस्थामा मृत भेटिएका अटो चालकको घटनाको अनुसन्धानका क्रममा नवलपुर प्रहरीले दुई जनालाई नियन्त्रणमा लिएको छ ।

जिल्ला प्रहरी कार्यालय नवलपुरका प्रहरी नायव उपरीक्षक दिलिपकुमार गिरीका अनुसार प्रहरीले दुई जना पुरुषलाई नियन्त्रणमा लिएको छ ।

गिरीले भने – दुई जनालाई नियन्त्रणमा लिएका छौं । घटनाको बारेमा थप अनुसन्धानका लागि सहज हुन्छ कि भनेर सोधपुछका लागि नियन्त्रणमा लिइएको हो । पक्राउ परेका मध्ये १ जना घटनामा सम्लग्न रहेको अनुमान गरिएको छ ।

पूर्वी नवलपरासीको कावासोती १३ गैरी नयाँ बस्तीका ५२ बर्षीय माधवप्रसाद गिरीको शव हत्या भएको जस्तो देखिने अवस्थामा मंगलबार कावासोती १३ बौनाहाको सिलहट घोलमा पानीको दलदलमा गाडेको अवस्थामा भेटिएको थियो ।

ना २ ह ६१७३ नम्बरको अटो चालक हुन् । घटनाको प्रकृति हेर्दा हत्या भएको हुन सक्ने प्रहरीले प्रारम्भिक अनुसन्धान गरेको छ ।

जिल्ला प्रहरी कार्यालय नवलपुरका प्रहरी उपरीक्षक प्रज्जवल महर्जनले घटना शंकास्पद भएको र घटनाको अनुसन्धान भईरहेको बताए ।

महर्जनले भने – ‘बाग्मती प्रदेश प्रहरी कार्यालयबाट तालिम प्राप्त कुकुर मगाएर पनि अनुसन्धान थालेका छौं ।’

सोमबार राति एक जना अपरिचित युवकले घरमै आएर कावासोती जान छ भन्दै अटोमा गएपछि उनी वेपत्ता भएका थिए । अटोमा बोलाएर लैजानेको पनि पहिचान भईसकेको प्रहरी नायव उपरीक्षक गिरीले बताए ।

मृतकको शव पोष्टमाटर्मका लागि मध्यविन्दु जिल्ला अस्पताल पठाइएको र पोष्टमार्टम रिपोर्ट आएपछि घटनाको बारेमा थप पुष्टि हुने महजर्नले बताए ।

मृतकको अनुहारमा चोट लागेको छ । घटना स्थलदेखि केही पर बाटोमा अटो भेटिएको थियो । घटना स्थल वरपर सिक्री, २ थान मोबाईल र जुत्ता फेला परेको छ ।