• बिहिबार, बैशाख ९, २०७८

देवचुली, माधब सुबेदी
सरकारले पाँच वर्ष मुनिका बालबालिकालाई भिटामिन ‘ए’ र जुकाको औषधि निःशुल्क खुवाउनका लागि ‘राष्ट्रिय भिटामिन ‘ए’ कार्यक्रम’ अन्तरर्गत नवलपुरमा भिटामिन ‘ए’ खाने ३४ हजार र जुकाको औषधि खाने ३९ हजार बालबालिका रहेका छन् । त्यसैगरी देवचुली नगरपालिकामा भिटामिन ‘ए’ को ४ हजार ५० भन्दा बढि र जुकाको औषधि ३ हजारभन्दा बढि बालबालिकाहरुलाई खुवाईएको देवचुली नगरपालिका स्वास्थ्य शाखाले जनाएको छ । नेपाल सरकारले बैशाख ६ र ७ गते सुरु गरेको निःशुल्क राष्ट्रिय भिटामिन ‘ए’ र जुकाको औषधि खुवाउने कार्यक्रम प्रभावकारी देखिएको छ । नवलपुर जिल्ला स्वास्थ्य शाखा प्रमुख केशव चापागाईंले भिटामिन ‘ए’बालबालिकालाई नियमित खुवाउँदा बालबालिकामा हुने मुत्युदरमा २५ प्रतिशत कम हुने अपेक्षा र बालबालिकालाई भिटामिन ‘ए’ सँगै जुकाको औषधी पनि खुवाउदाँ पेटमा भएको किरालाई मार्ने बताउनुभयो । बालबालिकामा रोग प्रतिरोधात्मक शक्ति कमि हुने र बिभिन्न वान्ता हुने लक्षण देखिने भएकाले पनि बालबालिकालाई भिटामिन ए सँगै जुकाको औाषधि खुवाउनुपर्ने छ ।