सुदूरपश्चिमको घटाल मेला आज

डडेल्धुरा । सुदूरपश्चिमको प्रसिद्ध घटाल मेला आज सम्पन्न हुँदैछ । प्रत्येक वर्ष वैशाख २ गते बिशु पर्वको रुपमा पुजिने श्री असिग्रामेश्वर घटाल देवताको मेलामा धामीले बालुवा खाएको दृष्य हेर्न टाढाटाढाबाट हजारौं दर्शनार्थी भक्तजनहरु यस मेलामा आउने गर्दछन् ।

देवताहरुका राजा देवराज ईन्द्रका भानिज एवं महाभारतका चर्चित योद्धा पाण्डव भिमकी पत्नी हिडम्बाका पुत्र घटोत्कचको महाभारत युद्धमा भएको मृत्युपछि कलियुगमा प्रभावशाली देवताका रुपमा पुजिने बरदान प्राप्त भइ प्रकट भएकाले प्राचिन कालदेखि ठूलो मेला लाग्दै आएको छ ।