एमालेको जिल्ला अधिवेशन : अहिलेसम्म २१ जिल्ला र दुई विशेष कमिटीमा अध्यक्ष चुनिए

काठमाडौं । नेकपा एमालेको जिल्ला नेतृत्व चयन प्रक्रिया चलिरहेको छ । पार्टी अध्यक्ष केपी शर्मा ओलीले गत शक्रवार भर्चुएल माध्यमबाट ७७ वटै जिल्ला अधिवेशनको एकसाथ उद्घाटन गर्नुभएको थियो ।

त्यसपछि अधिकांश जिल्लाहरुले अधिवेशन थालेका छन् । अहिलेसम्म लुम्बिनी प्रदेशको पाल्पामा धनेन्द्रराज घिमिरे, गुल्मीमा बालकृष्ण काउछा मगर, अर्घाखाचीमा पिताम्बर भुसाल, बाँकेमा किस्मत कुमार कक्षपति, बर्दियामा लालवहादुर श्रेष्ठ, दाङमा हुकुम बहादुर बस्नेत, रुपन्देहीमा तेजेन्द्र केसी र कपिलवस्तुमा डम्बर शर्मा जिल्ला अध्यक्ष चुनिएका छन् ।

गैर भौगोलितर्फ मजदूर विशेषमा जितेन्द्र श्रेष्ठ र पेशागत विशेष जिल्ला कमिटीमा उमेश ढकाल अध्यक्ष चनिएका छन् । अधिकांश जिल्लाहरुमा सर्वसम्मत नेतृत्व चयन भएको हो ।