गजलः कला चाहिन्छ ।

गजल मूर्ति बन्नु पुर्व पत्थरलाई छिनोको कला चाहिन्छ!

मान्छेलाई मान्छे बन्न मान्छेहरुकै हमला चाहिन्छ!

अहङ्कार पतन गर्नेछु मेरा प्रिय दुश्मनहरुको,

यो कलियुग हो यहाँ हर चिजको बदला चाहिन्छ!

जन्मिदा मात्र हो तिथि र शुभ अशुभ हेरिने ,

मर्ने बेलामा न घडि चाहिन्छ न त पला चाहिन्छ!

जिन्दगी जस्तै जिन्दगानी बनाउन पनि

सखी हासो खुशी अनि रोदनको शृङ्खला चाहिन्छ ‌

ताली बजाएर जानुहोस् बधाई दिन नसके पनि,

मलाई गजल लेख्न हजुरहरुकै हौसला चाहिन्छ!

निमा पौडेल तिवारी

देवचुली १,नवलपुर 

गण्डकी प्रदेश