नवलपरासीमा विद्यालयका लेखापाल ६५ हजार घुससहित पक्राउ

२४ पुस, काठमाडौँ। नवलपरासी पश्चिमको पाल्हिनन्दन गाउँपालिका-५ स्थित राजनारायण माध्‍यमिक विद्यालयका लेखापाल र विद्यालय व्यवस्थापन समितिका सदस्‍य ६५ हजार घुससहित पक्राउ परेका छन् ।

पक्राउ पर्नेमा विद्यालयका लेखापाल सुरेश गुप्ता र विद्यालय व्‍यवस्थापन समितिका सदस्य सुरेन्द्र प्रसाद कहार रहेका छन् ।

उनीहरूलाई अख्तिायर दुरूपयोग अनुसन्धान आयोग, बुटबलबाट खटिएको टोलीले घुस लिइरहेको अवस्थामा रंगे हात पक्राउ गरेको हो ।

उनीहरूले भवन निर्माण पश्‍चात अन्तिम बिल भुक्तानी गर्नका लागि सेवाग्राहीसँग घुस मागेको सूचनाको आधारमा दुवैजनालाई पक्राउ गरिएको अख्तियारका प्रवक्ता नरहरि घिरेले बताए ।

पक्राउ परेका उनीहरूमाथि थप अनुसन्धान भइरहेको अख्तियारले जनाएको छ ।