0 प्रतिक्रिया
आज देशभर एकैसाथ वडा अधिवेशन गर्दै माओवादी केन्द्र, अध्यक्ष प्रचण्डले उद्घाटन गर्ने
२०७८ मंसिर ४, शनिबार ०७:३९
मंसिर ४, काठमाडौं ।। सत्ता घटक दल नेकपा (माओवादी केन्द्र)ले आज शनिबार देशभर एकसाथ पार्टीको वडा अधिवेशन गर्दैछ। माओवादी केन्द्रीय निर्वाचन आयोगका अनुसार अध्यक्ष पुष्पकमल दाहाल ‘प्रचण्ड’ ले भर्चुअल माध्यमबाट बिहान ११ बजे वडा अधिवेशनको उद्घाटन गर्नेछन्।
माओवादीको निर्वाचन आयोगले देशभरका ६ हजार ७ सय ४३ वडामा निर्वाचन समिति बनाएको छ । निर्वाचनका लागि आयोगले प्रत्येक वडामा तीन सदस्यीय निर्वाचन समिति खटाउने जानकारी दिएको छ।
माओवादीले सदस्यता नवीकरण पनि टुंग्याइसकेको छ। माओवादी केन्द्रीय निर्वाचन आयोगका अध्यक्ष बिष्णुपुकार श्रेष्ठका अनुसार देशभरि पार्टी सदस्य करिब ८ लाख पुगेका छन्।
११ मंसिरमा पालिका र २५ मंसिरमा सातै प्रदेशमा अधिवेशन हुनेछ। आयोगले प्रदेशमा ७ सदस्यीय र पालिकामा ५ सदस्यीय निर्वाचन समिति गठन गर्दैछ। प्रदेशको सम्मेलनपछि आगामी ११ देखि १३ पुसमा पार्टीको राष्ट्रिय सम्मेलन हुनेछ।
-- Sponsored --
यो खबर पढेर तपाईलाई कस्तो महसुस भयो ?
खुसी
दुःखी
आक्रोशित
Leave a Reply
विज्ञापनहरु
-- Sponsored --
ताजा अपडेट
ट्रेन्डिङ
×
![]()
