यातायात कार्यालयको सवारी दर्ता किताब विचौलियाको साथमा भेटियो

६ चैत, काठमाडौं । यातायात कार्यालय, कुसुन्तीको रजिष्टर विचौलियाको साथबाट बरामद भएको छ ।

महानगरीय प्रहरी परिसर, ललितपुरले ठगीको अनुसन्धान गर्ने क्रममा पक्राउ परेका विचौलियाको साथबाट यातायात कार्यालयको सवारी दर्ता किताब बरामद भएको हो ।

‘हुण्डाइको ग्राण्ड आई टेन कार विक्री गरिदिन्छु भनेर पैसा लिएर गाडी नदिएपछि उनीविरुद्ध ठगीको उजुरी परेको थियो’ एसपी शाहले भने, ‘उनले पीडितको नाममा सारिएको ब्लू बुक पनि दिएका थिए, तर गाडी दिएका थिएनन् ।’

प्रहरीका अनुसार बाँस्तोलाविरुद्ध ८ लाख ५० हजार रुपैयाँ ठगी गरेको उजुरी छ । अब सरकारी लिखत कीर्तेमा पनि अनुसन्धान हुनेछ । सरकारी रजिष्टर कहाँबाट आयो भन्ने विषयमा अनुसन्धान भइरहेको प्रहरी बताउँछ ।

अनलाइनखबरबाट……………..