नयाँ नियमका कारण आन्तरिक हवाई उडान प्रभावित

काठमाडौं । सरकारले उडान क्षेत्रमा बुधबारदेखि लागू गरेको नयाँ नियमका कारण आन्तरिक हवाई उडान प्रभावित भएको छ।

त्रिभुवन अन्तर्राष्ट्रिय विमानस्थलबाट बुधबार बिहानभर आन्तरिक उडानहरु अवरुद्ध भएका छन् । नागरिक उड्डयन प्राधिकरणले प्रस्थान, उडान मार्ग र गन्तव्यको मौसमका विषयमा प्रष्ट भएपछि मात्रै उडान अनुमति दिने नियम लागू गरेकाले आन्तरिक हवाई उडानहरू प्रभावित भएका हुन् ।

यो नियम अनुसार हिमाली र पहाडी क्षेत्रका विमानस्थलहरूमा उडान गर्दा मौसम सफा रहेको निश्चित हुनुपर्ने छ।