‘बाढी पसेपछि छोराछोरी काखी च्यापेर भागेँ, श्रीमान् घरमै हुनुहुन्छ’

१८ साउन, उदयपुर । सप्तकोशीको बाढी पसेपछि डुबानमा परेका श्रीलंका टापुका बासिन्दाको उद्धारको काम भइरहेको छ । बाढीमा डुबेका उदयपुरको बेलका, र सुनसरीको बराहक्षेत्रका बासिन्दाको उद्धारमा सशस्त्र प्रहरी, नेपाल प्रहरी लगायतले उद्धार गरिरहेका छन् ।

यस्तै उद्धार हुनेमा एक हुन् बेलका ३ की सुशीला मगर । उनका अनुसार बिहानसम्म घरमा पानी पसेको थिएन । सप्तकोशी नदीको दुई भंगालोको बीचमा घर भएकी उनले भनिन्,  ‘तर दिउँसो भएपछि पानी घरसम्मै आयो, बसेको ठाउँमा घुँडा घुँडासम्म पानी आयो ।’

बाख्रापाठा तथा सुँगरलाई टाँडमा चढाएर राखिएको छ । अब अलिकति पानी बढ्यो भने ती पनि डुब्ने चिन्ता उनलाई छ ।

सुशीला र शंकर दुबैले श्रीलंका टापुमा यस्तो विपद्को सामना गर्नु परेको थिएन । सुशीलाले भनिन्, ‘ म बसेको १२ वर्ष भयो, अहिलेसम्म यस्तो बाढीको आएको थाहा थिएन, आज त अचम्मैको दुख आइलाग्यो ।’