पाल्पा । पाल्पाको तिनाउ गाउँपालिका ६ मस्यामको चिदिसमा मंगलबार बेलुकी भएको जीप दुर्घटनामा मृत्यु हुनेको संख्या १० पुगेको छ । आठजनाको घटनास्थलमै र दुईजनाको उपचारका लागि अस्पताल लैजादै गर्दा बाटोमा मृत्यु भएको हो ।
मृत्यु हुनेमा तिनाउ गाउँपालिका–६ मस्यामका ६० वर्षीया यनकुमारी पन्त, ३९ वर्षीय रामबहादुर अस्लामी, ६७ वर्षीय कृष्णबहादुर अस्लामी र २८ वर्षीया उर्मिला अस्लामीको मृत्यु भएको हो ।
दुर्घटनामा घाइते भएका १६ जनाको तानसेनको प्रभासस्थित लुम्बिनी मेडिकल कलेजमा उपचार भइरहेको प्रहरीले जनाएको छ ।
पाल्पाको डुम्रे बजारबाट शिखर डाँडा जाँदै गरेको लु १ ज २३७१ नंम्बरको यात्रु बाहक जिप डुम्रे चक्लदी भित्री सडकखण्डको चिदिस भन्ने ठाउँमा दुर्घटना भएको थियो । जिप सडकभन्दा लगभग ३ सय मिटर तल खसेको बताइएको छ ।
