जुङ्गाको युद्ध कायमै छ , खासमा को चाँहि महानायक ?

२६ असोज, कावासोती,प्रकाश भुसाल|| नेपालको राजनितिमा पाए जो पनि प्रधानमन्त्री बन्न तयार भए जस्तै चलचित्र क्षेत्रमा पनि को महानायक भन्ने चर्चा सेलाउन पाएको छैन।

रङ्ग पत्रकार प्रकाश सुबेदीको कार्यक्रममा दिपाश्री निरौलाले को महानायक ? भनेर अभिनेता राजेश हमालको फिल्मी करीयर माथि प्रश्न उठाएपछि र अर्का कलाकार दीपकराज गिरि समेतले उस्तै अभिब्यक्ति दिएपछि यो प्रसङ्ग बढि बिबदास्पद बन्यो । त्यसो त नायक राजेश हमाल भने यो बिषय आम दर्शकको आँफुप्रतिको माया बताउछन नकि कसैले दिएको अवार्ड ।

उता नायकद्वय भुवन के सी तथा शिव श्रेष्ठ समेतले आफुहरु राजेश हमाल भन्दा अघि नेपाली चलचित्र क्षेत्रमा सफल अभिनेता बनिसकेको अभिब्यक्ति दिएपछि यो चर्चा अझै बढि तरङ्गित बन्यो ।

त्यसपछि प्यानल बदल्नेहरु धेरै आए। निर्माता निर्देशक शोभित बस्नेतको त के कुरा गर्नु बिबादास्पद् अभिब्यक्ति दिएर बल्ल बल्ल हलमा झरेको डाँडैको बरपिपलको लागि दर्शक तान्न राजेश हमालको फोटो राखेर एक कार्यक्रममा माफि नै माग्नु पर्यो।

निर्देशक शोभित बस्नेतले महानायक प्रकरणमा आफूले बोलेर गल्ती गरेको बताएका छन्। कोरोना महामारी केही कम भएपछि सोमबार हलमा लागेको आफ्नो फिल्म ‘डाँडाको बरपीपल’ हेरिसकेपछि बस्नेतले महानायक राजेश हमाल नै भएको बताएका छन्।

‘हो मैले गल्ती बोलेकै हो। यो कुरा मैले कयौँ पटक भनिसकेँ’, उनले भने, ‘गल्ती बोलेको कुरामा मैले यसअघि नै बोलिसकेको छु।’त्यस्तै उनका पुत्र एवम् कलाकार सलोन बस्नेतले पनि महानायक प्रकरणमा आफूले पहिले नै बोलिसकेकोले अब थप नबोल्ने प्रतिक्रिया पत्रकारलाई दिए।