राष्ट्रिय सभा सदस्य निर्वाचन: आज र भोलि मनोनयनपत्र र उजुरी उपर जाँचबुझ

एन सञ्चार, २२ पुषः

काठमाडौं । राष्ट्रिय सभा सदस्य निर्वाचन अन्तर्गत आज र भोलि मनोनयनपत्र र उजुरी उपर जाँचबुझ गरी निर्णय गर्ने निर्वाचन कार्यतालिका छ । हिजो दाबी विरोध र उजुरी दिन सकिने कार्यतालिका थियो । 

पुस (भोलि) २३ गते साँझ उमेदवारको नामावली प्रकाशन गर्ने, पुस २४ गते उमेदवारले नाम फिर्ता लिने र पुस २५ गते उमेदवारको अन्तिम नामावली प्रकाशन तथा उमेदवारलाई निर्वाचन चिह्न प्रदान गरिने आयोगका सहसचिव एवं प्रवक्ता शालिग्राम शर्मा पौडेलले जानकारी दिएका छन् ।