पि.सि .आर ल्यावका कर्मचारीमा कोरोना पुष्टि भए पछि पि सि आर जाँच बन्द, अति जरुरी नपरे सम्म अस्पताल नआउन मध्यविन्दु जिल्ला अस्पतालको आग्रह

अति जरुरी नपरे सम्म अस्पताल नआउन मध्यविन्दु जिल्ला अस्पतालको आग्रह 

 कोरोना संक्रमण बढ्दै गर्दा मध्यविन्दु जिल्ला अस्पतालले अति जरुरी नपरे सम्म अस्पताल नआउन आग्रह गरेको छ । 

अस्पतालले सुचना निकाल्दै बढ्दै गएको कोरोना संक्रमणलाई मध्यनजर गर्दै अति आवश्यक बाहेक अरु कामका लागि न आउन आग्रह गरेको हो ।  कोरोनाको तेस्रो लहर फैलदै गइरहेको अवस्थामा अस्पतालका स्वास्थ्य कर्मीहरुमा समेत कोभिड संक्रमण भएको छ । जस्ले गर्दा  अस्पतालमा जनशक्तिको कमि हुन गएको हो ।  अस्पतालमा विरामीको भिडभाड बढि हुने गरेको साथै भिडभाडमा कोरोना भाइरसको संक्रमण हुने सम्भावना धेरै रहेको हुदा अति जरुरी परेमा मात्र अस्पताल उपचारका लागि आउन र केहि दिन पछि उपचार गरे पनि हुने समस्याहरूको लागि कोरोना भाइरसको संक्रमण कम भए पछि मात्र अस्पताल जान आग्रह गरिएको छ ।

अस्पतालका मेडिकल सुपरिटेन्डेन्ट डा वीर बहादुर थापाद्वारा हस्ताक्षरित सुचनामा कोरोना भाइरस नियन्त्रणका मापदण्ड पालना गर्नु पर्ने आग्रह साथै सर्वसाधारणमा पर्न गएको असुविधा प्रति अस्पताल क्षमाप्रार्थी रहेको सुचनामा लेखिएको छ।