अमेरिकी राष्ट्रपति र नेटो प्रमुखबीच आज भेटवार्ता हुँदै

काठमाडौं । रुसी सेनाले पूर्वी युक्रेनका मूख्य शहरहरुमा कब्जा बढाउँदै लगेपछि अमेरिकी राष्ट्रपति जो बाइडेन र नेटोका प्रमुख जेन्स स्टोलटेन्बर्गबीच भेटवार्ता हुँदैछ ।

राष्ट्रपति बाइडेनले आज (बिहिबार) स्टोलटेन्बर्गलाई ह्वाइटहाउसमै भेट्न लाग्नुभएको हो । युक्रेनलाई लामो दूरीका हतियार आपूर्ति गर्ने घोषणा गरेको अमेरिकाले नेटो प्रमुखलाई भेटेर थप रणनीति तय गर्न लागेको हुनसक्ने अनुमान गरिएको छ। अमेरिकाले युक्रेनलाई दिन लागेका हतियारमा उच्च प्रविधियुक्त रकेट प्रक्षेपकहरु पनि रहेका छन्।

पश्चिमा देशहरुले युक्रेनलाई जति हतियार थप्दै जान्छन युद्ध त्यति लम्बिदै जाने र वार्ताबाट समाधान खोज्ने प्रयास निरर्थक हुने क्रेमलिनका प्रवक्ताको तर्क छ ।