धरानको मतगणना स्थलमा माओवादीको नाराबाजी, विद्यालय ताेडफाेड

सुनसरी । धरान उपमहानगरपालिका वडा नम्बर २० काे मतगणनास्थलमा नेकपा (माओवादी केन्द्र)का नेता तथा कार्यकर्ताले नाराबाजी गरेका छन् ।

वडाकाे मतगणना गर्ने क्रममा १८ वटा मतपत्रमा मतदान अधिकृतको हस्ताक्षर नभएको पाइएपछि माओवादीले विरोध जनाएको हाे ।

मतदान अधिकृतको हस्ताक्षर नभएकाे मतपत्र सदर गर्नुपर्ने उनीहरूकाे माग छ । अहिले पनि उनीहरूले नाराबाजी गरिरहेका छन् ।

माओवादी केन्द्रका धरान सह–इन्चार्ज सुदर्शन श्रेष्ठले निर्वाचनमा खटिएका कर्मचारीले चरम लापरबाही गरेकाले आन्दोलन गर्नुपरेको बताउनुभयो ।

हस्ताक्षर नगरिएका मतपत्र सदर नगरेको अवस्थामा धरान–२० मा पुनः मतदान गर्नुपर्ने उहाँकाे भनाइ छ ।

नाराबाजी र मतगणनास्थल तोडफोडसँगै धरानको मतगणना स्थगित भएको छ ।