सुनकोशी–तेस्रो जलविद्युत आयोजनाका कारण ४ जिल्लाका ६१६ परिवार विस्थापित हुने

सिन्धुली । सिन्धुली र काभ्रेपलान्चोक जिल्लाको सीमा क्षेत्रमा निर्माणका लागि प्रस्ताव गरिएको ६ सय ८३ मेगावाटको सुनकोशी–तेस्रो जलाशययुक्त विद्युत आयोजनाबाट ४ जिल्लाका ६ सय १६ परिवार विस्थापित हुने भएका छन् ।

सिन्धुलीको सुनकोशी गाउँपालिका तथा काभ्रेपलाञ्चोक, सिन्धुपाल्चोक र रामेछापका करिब ६ सय १६ घर-परिवार विस्थापित हुने भएका हुन् । आयोजनाको अध्ययन प्रतिवेदनमा निर्माणस्थल क्षेत्र काभ्रेपलाञ्चोकको तेमाल गाउँपालिकाका ८ वडाहरूमा बाँध, विद्युतगृह र डुबान क्षेत्र पर्ने भएकाे छ ।

साथै रामेछापको खाँडादेवी गाउँपालिका बाँध र डुबान क्षेत्र डुबान क्षेत्रमा पर्ने उल्लेख गरिएको छ । विद्युत् उत्पादन भएपछि सोही पानीलाई टेलरेसद्वारा पुनः सुनकोशी नदीमा खसाल्ने योजना रहेको छ ।