देवचुली, माधब सुबेदी
देवचुली नगरपालिका वडा नं ३ मा अवस्थित दुम्कौली अस्पतालमा अक्सिजन सहितको ५ शैय्याको आइसोलेसन शुरु गरिएपछि ३१ जना कोरोना संक्रमितले सेवा लिएका छन् । देवचुली नगरपालिकामा कोरोना संक्रमण तिब्र पमा फैलिएको र संक्रमितको संख्या पनि बढदै गएको छ । देवचुली नगरपालिका स्वास्थ्य शाखा प्रमुख कराम कुमार श्रेष्ठले नगरपालिकाका स्वास्थ्यकर्मीहरु संक्रमितको घर घरमा पुगि स्वास्थ्य अवस्थाको बारेका सत्य तथ्य जानकारी लिने गरेको बताउनुभयो । उहाँले हालसम्म कोभिड बाट ३१ जनाले सेवा लिसकेको र बुधबार ५ जना संक्रमित मात्र थपिएको बताउदै अस्पतालमा ४ डाक्टर, ४ नर्स, ४ पारामेडिकल र सहयोगी राखि २४ सै घण्टा सेवा प्रवाह गरिरहेको बताउनुभयो ।
