काठमाडौं । नेकपा एमाले विभाजनको असर प्रदेश १ र बागमती प्रदेश सरकारमा देखिएको छ । एमाले औपचारिकरुपले विभाजन हुनुभन्दा आगडि नैं बागमती प्रदेशमा डोरमणी पौडेलले राजिनामा दिएर अष्टलक्ष्मी शाक्यलाई मुख्यमन्त्री बनाईएको थियो ।

विभाजनले औपचारिकता पाएपछि हिजो प्रदेश १ मा शेरधन राईको ठाउँमा भिम आचार्य मुख्यमन्त्री बन्नुभएको छ । दुबै मुख्यमन्त्री अष्टलक्ष्मी शाक्य र भिम आचार्यले विश्वाशको मत पाउन भने कठिन देखिएको छ ।

नवनियुक्त मुख्यमन्त्री आचार्यलाई प्रदेश प्रमुख सोमनाथ अधिकारी प्यासीले हिजो पद तथा गोपनियताको शपथ गराउनुभएको छ ।

सपथ लिएलगत्तै आचार्यले पहिलो प्राथमिकताका रुपमा बहुमत जोगाउनु रहेको सन्देश दिनुभयो । ९३ सदस्यीय प्रदेशसभामा हाल एमालेसँग ५२ सांसद छन् ।

अब कति जना सांसद नेकपा एकीकृत समाजवादीमा जाने हो यकिन छैन । ६ जना भन्दा बढी सांसद एकीकृत समाजवादीतिर गए मुख्यमन्त्री आचार्य अल्पमतमा पर्ने निश्चित छ ।