बिबेक भण्डारी ,फागुन २४ नवलपुर ।
व्यवशायिक कृषि पेशामा लागेका युवाहरुलाई लक्षित गरि ज्ञान केन्द्र स्तरिय तालिम आवस्यकता पहिचान तालिम सोमवार कावासोतीमा सम्पन्न भएको छ । कृषि व्यवशाय प्रबद्र्धन सहयोग तथा तालिम केन्द्र पोखराको आयोजनामा संञ्चालन गरिएको उक्त तालिममा युवा स्वरोजगार तालिम प्रदानको लागि कृषि तालिम पहिचान र यस सम्बन्धि विषयमा कृष र कृषि प्राविधिकहरुलाई प्रशिक्षण दिइएको थियो । कार्यक्रममा कृषि व्यवशाय प्रबद्र्धन सहयोग तथा तालिम केन्द्र पोखराका प्रमुख विष्णु प्रसाद शर्माले तालिमको सहजिकरण गर्नुभएको थियो । शर्माले कृषिका लागि प्रदेशले प्रदान गर्ने तालिम र यसको महत्वको बारेमा जानकारी गराउनुभएको थियो । हिउदे तथा नगदे बालीका समयमा आवस्यक पर्ने स्रोत साधन र प्रविधिको बारेमा समेत जानकारी प्रदान गर्नुभएको थियो । प्रमुख शर्माले कृषिमा लाग्न चाहने युवाले पहिले तालिम र तालिम छनोटको बारेमा प्रष्ट हुनु पर्ने बताउनुभयो । आफुले गर्न खोजेको कृषि र यस संग सम्बन्धित तालिम लिएर कृषि गर्नेहो भने सफल भइने बताउनुभयो । गण्डकी प्रदेशमा एक दशर्जन बढि तालिमहरु संचालन हुने र नवलपुर र गोर्खामा हाल तालिमहरु संञ्चालन भएको कृषि ज्ञान केन्द्र नवलपुरका प्रमुख गोपाल प्रसाद लामिछानेले जानकारी दिनुभयो । आयोजित तालिममा नवलपुरका ८ वटै पालिकामा व्यवशायिक कृषि गरि रहेका युवाहरुको सहभागिता रहेको थियो । तालिममा सहभागि युवाहरुले उक्त तालिम लिए पश्चात आगामि दिनमा कृषि तालिम र यस संम्बन्धित विषयमा सरल हुने विश्वास लिए । कृषि ज्ञानकेन्द्र नवलपुरका वागवनी विकास अधिकृत शंकर पौडेलले कार्यक्रम संञ्चालन गर्नुभएको थियो ।
