काेराेना अपडेट : नेपालमा थप ४,६३६ जनामा कोरोना संक्रमण पुष्टि, नवलपुरमा थप ५२ जनामा कोरोना संक्रमण

एन सञ्चार, १ माघः गत २४ घण्टाभित्र नेपालमा थप ४,६३६ जनामा कोरोना भाइरसको संक्रमण पुष्टि भएको छ। 

गत साेमबार १,४४६ जना थपिएका थिए भने मंगलबार २,४४४ जना र बुधबार ३,०७५ जनामा 
संक्रमण भएकाे थियाे। बिहीबार ३,५५३ संक्रमित थपिए । शुक्रबार याे संख्या बढेर ४,६३६ पुगेकाे छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार ५५६ जनाको कोरोना परीक्षण गर्दा सो संख्यामा संक्रमित थपिएका हुन्। १० हजार ४१२ जनाको पिसिआर परीक्षण र ४  हजार १४४ जनाको एन्टिजेन परीक्षण गरिएको थियो।

हालसम्म संक्रमितकाे संख्या पिसिआर परीक्षणबाट ८ लाख ४९ हजार २०४ र एन्टिजेन परीक्षणबाट १ लाख १ हजार ४१ रहेकाे छ। 

निकाे हुनेकाे संख्या ३५० जना रहेको मन्त्रालयले जनाएको छ। हालसम्म निकाे हुनेकाे कूल संख्या ८ लाख १६ हजार ३ पुगेकाे छ।

संक्रमणबाट थप ४ जनाकाे मृत्यु भएको छ। हालसम्म मृत्यु हुनेकाे संख्या ११ हजार ६१७ रहेकाे छ।

नेपालमा हाल २१ हजार ५८४ जना सक्रिय संक्रमित छन्। गत २४ घण्टामा ४ लाख ३५ हजार १९३ खाेप लगाइएकाे छ।

 यता नवलपुरमा कोरोना संक्रमणको दर बढ्दै गएको शनिवार थप ५२ जनामा कोरोना पुष्टी भएको जिल्ला स्वास्थ्य कार्यालय नवलपरासी (पूर्व)ले जनाएको छ ।एन्टीजेन तथा पीसीआर परिक्षणका क्रममा पछिल्लो २४ घण्टामा ५२ जनामा कोरोना संक्रमण पुष्टी भएको कार्यालयले जनाएको छ ।

संक्रमित मध्ये सबैभन्दा बढी कावासोती नगरपालिकामा मात्रै ३२ जना रहेका छन् । त्यसैगरी गैँडाकोट नगरपालिकामा ९, मध्यविन्दु नगरपालिकामा ६, देवचुली नगरपालिकामा ३ जना, विनयीत्रिवेणी गाउँपालिकामा १ जना र निजि अस्पतालमा गरिएको परिक्षणका क्रममा १ जनामा संक्रमण देखिएको हो । नवलपुरमा यो सँगै सकृय संक्रमितको संख्या २१३ पुगेको छ ।