
मिना कंडेल नवलपुर ,फागुन २०||
नेपाली कांग्रेसका वरिष्ठ नेता रामचन्द्र पौडेलले कम्युनिष्टको कुनै पनि सिद्दान्तको टुङ्गो नभएको बताउनु भयो । सिद्दान्तको टुड.गो नभएकाले सरकार असफल भएको आरोप लगाउनु भयो । उहाँले मौषम अनुसार चोला फेर्नै भएकाले अविश्वासका पात्र भएको बताउनु भयो । बिहीवार पुर्वी नवलपरासीको कावासोतीमा नेपाली काङ्ग्रेस जिल्ला कार्यसमिति द्वारा आयोजित कार्यकर्ता भेलालाई सम्बोधन गर्दै वरिष्ठ नेता पौडेलले सो कुरा बताउनु भयो ।
वरिष्ठ नेता पौडेलले भने, ‘कांग्रेसले आफ्नो हैसियतमा रहेर अरुलाई सरकार चलाउन सहयोग गर्न सक्छ, त्यसमा कांग्रेसको भूमिका अझ महत्वपूर्ण हुन्छ । यसबारेमा पोजिटिभ हुन सकिन्छ, त्यस सम्बन्धमा छलफल हुन्छ ।’ उनले भने, ‘सरकारमा किन जाने, कसरी जाने, के रुपमा जाने भन्ने कुराहरु छलफल गर्छौँ ।’
नेपाली कांग्रेस भरोसाको केन्द्र वन्नको लागि आफ्नो चरित्र, आचरण र व्यवहारमा सुधार गर्न आवश्यक रहेको बताएका छन् । वर्तमान अवस्थामा तोकिएको समयमा अधिवेशन गरेर पार्टीलाई पुर्नजिवन दिनु पर्ने पौडेलको तर्क थियो । पार्टी तदर्थवादमा चलेको बताउदै पौडेलले भातृ संस्थाको अधिवेशन हुन नसक्दा पार्टी कम्जोर भएको समेत बताएका छ्न ।
उनले व्यवस्था प्रभावित गर्ने गरी आफूलाई कुनै पद नचाहिएको र अहिलेकै अवस्थाको राष्ट्रपति पद पनि आफूलाई नचाहिने बताए । आफू बाँचुञ्जेल क्रियाशील भूमिकामा बाँचुञ्जेल रहने पौडेलको भनाइ थियो । फरक प्रसंगमा बोल्दै नेता पौडेलले नेपाली कांग्रेसका शुभेच्छुक संस्था र भातृसंस्था र कार्यकर्ताहरुलाई कुनै व्यतिmको पछाडि नलागि काग्रेस हो भनि लाग्नु पर्नेमा जोड दिनु भयो ।